«Հայաստանի երիտասարդները անորոշության և հույսի խաչմերուկում» գրքի շնորհանդես-քննարկում
Սիրով հրավիրում ենք մասնակցելու Հայաստանի երիտասարդների շրջանում իրականացված սոցիոլոգիական հետազոտության արդյունքների ներկայացմանը և քննարկմանը, որը տեղի կունենա հունիսի 30-ին, երեքշաբթի, ժամը 16:00։
Հետազոտության արդյունքներն ամփոփող «Հայաստանի երիտասարդները անորոշության և հույսի խաչմերուկում» մենագրությունը մշակվել է Գալուստ Կիւլպէնկեան Հիմնարկութեան աջակցությամբ իրականացված հետազոտական նախագծի շրջանակում։ Գիրքը հաստատվել է ԵՊՀ գիտական խորհրդի կողմից և հրատարակվել է ԵՊՀ հրատարակչության կողմից։
Միջոցառումն իրականացվում է Գալուստ Կիւլպէնկեան Հիմնարկութեան, Կրթական հետազոտությունների և խորհրդատվությունների կենտրոնի, ԵՊՀ սոցիոլոգիայի ֆակուլտետի և ԵՊՀ գրադարանի հետ համագործակցությամբ:
Նպատակն է՝ գիտական հանրույթի, ոլորտի մասնագետների և քաղաքականություն մշակողների մասնակցությամբ քննարկել հետազոտության հիմնական արդյունքները, դրանց կիրառական նշանակությունը և երիտասարդության ոլորտի զարգացման հեռանկարները։
Խոսնակներն են.
· Արթուր Մարտիրոսյանը (ՀՀ կրթության, գիտության, մշակույթի և սպորտի նախարարի տեղակալ),
· Միքայել Հովհաննիսյանը (ԵՊՀ Միջազգային կապերի, զարգացման և նորարարությունների գծով պրոռեկտոր),
· Արթուր Մկրտիչյանը (փ․գ․ դ․, պրոֆեսոր, ԵՊՀ սոցիոլոգիայի ֆակուլտետի դեկան),
· Մարինա Գալստյանը (ս․գ․ թ․, գրքի հեղինակ, Կրթական հետազոտությունների և խորհրդատվությունների կենտրոն):
Քննարկումը կվարի ք․գ․դ․, պրոֆեսոր, ԵՊՀ Կիրառական սոցիոլոգիայի ամբիոնի վարիչ Արթուր Աթանեսյանը։
Հանդիպման վայրն է՝ ԵՊՀ գրադարանի 403 ընթերցասրահը (ԵՊՀ գրադարանի հասարակական գիտությունների ընթերցասրահ, 4-րդ հարկ):
Հասցե՝ Երևան, Ալեք Մանուկյան 1:
Մուտքն ազատ է։
